Ուրբաթ 25 յունուարին` Վատիկանի մէջ տեղի ունեցաւ կլոր սեղան մը Կաթողիկէ եկեղեցւոյ կանոնագիրքի
հրատարակման 30-րդ տարեդարձին առթիւ։ Աշխատանքներուն մասնակցած են 400 կանոնագէտներ։
Հանդիպումին նիւթը եղաւ ''Կանոնագիրքի բարենորոգումը Վատիկանեան Բ տիեզերական ժողովի
հայրերու խնդրանք''։ Նշենք որ նոր կանոնագիրքը լոյս տեսաւ 1983-ին ու կը կրէ երջանկայիշատակ
ՅՊԲ Սրբազան Քահանայապետին ստորագրութիւնը ։ Անիկա կը փոխառինէ 1917-ի հրատարակութիւնը։
Յայտնենք որ Յովհաննէս 23-րդ քահանայապետը Վատիկանեան Բ Տիեզերական ժողովը հռչակած
էր ու բաղձանք յայտանած էր կաթողիկէ եկեղեցւոյ կանոնագիրքի վերատեսութեան։ Աշխատանքերը
սկիզբ առին 1966-ին քահանայապետական յանձնախումբի մը ստեղծումով։ Յովհաննէս Պօղոս
Բ Քահանայապետի խնդրանքին վրայ լոյս տեսաւ նաեւ արեւելեան եկեղեցիներու կանոնագիրքը։